Астанадагы Достук үйүндө Казакстан элинин Ассамблеясынын ишмердүүлүгүндө санариптик медиа платформаларды жана жасалма интеллектти колдонууга арналган практикалык семинар өттү.

Иш-чарага «Коомдук келишим» РМУнун басма сөз кызматынын, Медиа борборунун жана Элдик комиссарлар жыйынынын Журналисттер клубунун өкүлдөрү, этномаданий бирикмелердин басма сөз катчылары, маалымат адистери, ошондой эле Казакстан Республикасынын Маданият министрлигинин Колдонмо этносаясий изилдөөлөр институтунун кызматкерлери катышты.

Медиа сабаттуулук, кесиптик этика жана санариптик контент менен иштөөдөгү жоопкерчилик маселелерине өзгөчө көңүл бурулду.

Иш-чараны Казакстан кыргыз элинин ассоциациясынын төрагасы Шавкат Исмаилов алып барды.

Баяндамачылар төмөнкүлөр болду:

– Алма Сайлаукызы, PhD , Максут Нарикбаев атындагы университеттин Эл аралык журналистика мектебинин окутуучусу, жасалма интеллект жана медиа сабаттуулугу боюнча эксперт;

– Айбек Иманкожоев , «Казатомөнөр жай» Улуттук атомдук компаниясы» ААКнын коомчулук менен байланыш бөлүмүнүн башкы менеджери, медиа продюсер, санариптик контентти жайылтуу боюнча адис.

Семинар тажрыйба алмашуу жана катышуучулардын көндүмдөрүн өркүндөтүү үчүн натыйжалуу платформа болуп чыкты. Иш-чаранын жыйынтыгында бардык катышуучулар сертификаттарга ээ болушту.

Сүрөт: IA Karavan Info