O'zbekistonlik bokschi Ruslan Abdullaev Kaliforniyadagi boks musobaqasida urugvaylik Eduardo Xaver Abreuni mag'lub etib, professional ringdagi to'rtinchi jangida g'alaba qozondi.

Ruslan Abdullaevning to'rtinchi professional jangi sakkiz raundga mo'ljallangan edi, ammo hakam bir nechta nokdaunlardan so'ng beshinchi raundda jangni to'xtatdi. 37 yoshli Abreu faoliyatidagi ikkinchi mag'lubiyatini qabul qildi, o'zbekistonlik sportchi esa professional boksdagi uzluksiz seriyasini mustahkamladi.