Өзбекстандын Министрлер кабинети ажылык жана умра иш-чараларын уюштуруу системасын санариптештирүүгө жана жакшыртууга багытталган токтом кабыл алды.
Документке ылайык, өлкөдө "Ажылык жана умра боюнча бирдиктүү портал" ишке киргизилди. Мындан ары ажылыкка барууну көздөгөн жарандар ушул портал аркылуу гана катталууга милдеттүү.
Жаңы жол-жобо этап-этабы менен күчүнө кирет:
- 2026-жылдын 1-февралынан тартып – ажылыкка баруу үчүн;
- 2026-жылдын 1-майынан баштап – Умрага баруу үчүн.
Белгилей кетсек, зыяратчылардын маалыматтары порталга киргизилбестен, сапарларды уюштурууга уруксат берилбейт.