27-yanvar kuni Bishkekda Qirgʻiziston Respublikasi Iqtisodiyot va savdo vaziri oʻrinbosari Mederbek Tumanov va Gruziya tashqi ishlar vaziri oʻrinbosari Aleksandr Xvtisiashvili oʻrtasida uchrashuv boʻlib oʻtdi.

Departament ma'lumotlariga ko'ra, uchrashuv davomida tomonlar Qirg'iziston-Gruziya savdo-iqtisodiy hamkorlik bo'yicha hukumatlararo komissiyasining navbatdagi yig'ilishini o'tkazish, to'g'ridan-to'g'ri aviaqatnovlarni ochish, turizm sohasida hamkorlikni yo'lga qo'yish va transport-logistika sohasidagi hamkorlikni rivojlantirish masalalarini muhokama qilishdi.

Ta'kidlanishicha, tadbir yakunida tomonlar erishilgan kelishuvlarni amalga oshirish uchun zarur bo'lgan qo'shimcha choralarni ko'rishga kelishib oldilar.

2026-yil 28-yanvar, soat 9:10:03