ООГАНИСТАН, 2026-жылдын 14-февралы – Karavan Info маалымат агенттиги. Бириккен Улуттар Уюмунун Качкындар боюнча Жогорку комиссары 2023-жылдын октябрь айынан бери 5,4 миллиондон ашык ооган качкыны коңшу өлкөлөрдөн мекенине кайтып келгенин билдирди.

Кайтып келгендерге жана ички жер которгондорго жардам берүү үчүн шашылыш түрдө 216 миллион доллар керек, бирок азырынча бул сумманын 8% гана камсыздалган.

2026-жылдын башынан бери Ооганстанга 150 миңден ашык адам кайтып келген.

БУУнун Качкындар боюнча жогорку комиссарынын Ооганстандагы өкүлү Арафат Жамал Женевада массалык жана тез кайтып келүү гуманитардык кризисти ого бетер күчөтүп, өлкөнү өзүнүн чегине жакындатып жатканын билдирди.

Дүйнөлүк банктын маалыматы боюнча, кайтып келгендердин кесепетинен калктын тез өсүшү 2025-жылы жан башына ИДПнын 4% га төмөндөшүнө алып келген. Үй-бүлөлөрдүн жарымынан көбүнүн документтери жок, ал эми 90% дан ашыгы күнүнө 5 доллардан аз каражат менен жашашат.

БУУ эл аралык коомчулукту кайтып келгендерге жардам берүү жана аларды кайра интеграциялоо үчүн каржылоону жана колдоону тез арада көбөйтүүгө чакырат.

Сүрөт: БУУнун Качкындар боюнча жогорку комиссары