Тоҷикистон бо қабули Қонуни Ҷумҳурии Тоҷикистон «Дар бораи масъулият барои таълиму тарбияи кӯдак»  дар соли 2024 (қаблан Қонун «Дар бораи масъулияти падару модар дар тарбияи фарзанд») ҷазои ҷисмонии кӯдаконро комилан манъ кард.

Ҳуҷҷати расмӣ, ки тобистони соли 2024 эътибор пайдо кард, ҳамаи шаклҳои зӯроварии ҷисмонии кӯдаконро ҳам дар хона ва ҳам дар муассисаҳои таълимӣ фаро мегирад.

Намояндагии ЮНИСЕФ дар Тоҷикистон ин тасмимро мусбат арзёбӣ кардааст. Ба гуфтаи Артур ван Дизен, қонуни нав муносибати ҷиддии мақомотро дар ҳифзи шаъну шарафи писарону духтарон нишон медиҳад.

Мушкилоти муҷозоти ҷисмонии кӯдакон миқёси ҷаҳонӣ дошта, дар саросари ҷаҳон ба беш аз 300 миллион ноболиғ таъсир мерасонад. Таҳқиқот нишон медиҳад, ки ин усулҳои волидайн ба рушд, солимии равонӣ ва рафтори кӯдак таъсири манфӣ мерасонанд. Хароҷоти иқтисодии хушунати кӯдакон ҳамасола триллионҳо доллар арзёбӣ мешавад.

Қонунгузории нав дар Тоҷикистон на танҳо муҷозоти ҷисмониро манъ мекунад, балки механизмҳои ҳифзи кӯдаконрор аз хушунат низ эҷод мекунад. Таҷрибаи кишварҳои дигар, аз қабили Руминия, Кения, Ҷопон ва Олмон, ки дар онҷо чунин мамнӯъият ҷорӣ шудааст, коҳиши муҷозоти ҷисмонии кӯдаконро нишон медиҳад.

Душанбе тасмим гирифтааст, дар конфронси байналмилалӣ оид ба мубориза бо хушунати кӯдакон, ки тирамоҳи соли 2024 дар Колумбия баргузор мешавад, ширкат кунад. Ин содиқ будани кишварро барои риояи стандартҳои байналмилалӣ оид ба ҳифзи ҳуқуқи кӯдакон ва ҳадафҳои рушди устувори СММ тасдиқ мекунад.

Барои татбиқи самараноки қонуни нав, коршиносон тавсия медиҳанд, ки барномаҳои дастгирии волидайн, ки ба таълими усулҳои безӯроварии волидайн ва таҳкими муносибатҳои оилавӣ нигаронида шудаанд, тақвият дода шаванд.

ЮНИСЕФ изҳори омодагӣ кард, ки бо ҳукумати Тоҷикистон ҷиҳати таъмини риояи қонунгузории нав ва ҳифзи ҳуқуқи ҳар як кӯдак дар кишвар ҳамкорӣ кунад.

АКС аз манбаҳои боз