Алматы, Жамбыл, Қызылорда және Түркістан облыстарында ирригациялық және дренаждық жүйелерді ауқымды жаңғырту аяқталуға жақын. Дүниежүзілік банкпен бірлесіп жүзеге асырылып жатқан жоба ауыл шаруашылығында су ресурстарын пайдаланудың тиімділігін арттыруға және өңірдегі экологиялық жағдайды жақсартуға бағытталған.

Мәселен, Алматы облысында Еңбекшіқазақ ауданында 5 мың гектар жерді суаратын жүйелерді қайта жаңарту аяқталуда. Жамбыл облысында Шу ауданындағы 5 мың гектар суару алаңына су беретін арналар жаңартылуда. Ал Қызылорда облысында «Қызылорда-1» жобасы 15,1 мың гектар егіс алқабын қамтиды.

Су ресурстары және ирригация вице-министрі Ерболат Ибрайхановтың айтуынша, бұл жұмыстардың барлығы каналдардың тиімділігін 25% — ға арттыруға, су шығынын азайтуға және топырақ жағдайын жақсартуға мүмкіндік береді. Гидротехникалық құрылыстарды жаңғырту есебінен ауыл шаруашылығы дақылдарын неғұрлым сенімді және біркелкі суару қамтамасыз етіледі.

Жобаның аяқталуы Қазақстанның оңтүстік өңірлерінде ауыл шаруашылығының дамуына оң әсер етіп, өнімділікті арттырып, суару шығындарын азайтады деп күтілуде.

Фото: pixabay.com/arlesa66