Бүгін Ақмола облысының Зеренді ауданында Қазақстанның түкпір-түкпірінен келген еріктілерге арналған жазғы мектеп ашылды. Іс-шараға еліміздің барлық өңірлерінен жүзден астам еріктілер, үйлестірушілер мен волонтерлік ұйымдардың басшылары қатысады.

Мектептің мақсаты-еріктілердің кәсібилігін арттыру, оларға әлеуметтік жобаларды жүзеге асыру үшін жаңа білім мен дағдыларды игеруге көмектесу. Қатысушылар жобаларды жоспарлау мен басқарудан бастап тиімді волонтерлік командаларды қалыптастыруға дейінгі түрлі бағыттар бойынша тренингтерден өте алады.

Мектепті ұйымдастырушылар өз алдарына Қазақстанның еріктілер қауымдастығын біріктіру, тәжірибе алмасу және бірлескен бастамаларды дамыту үшін бірыңғай алаң құру міндетін қойып отыр.

Бірнеше күн ішінде мектепке қатысушылар алған білімдерін іс жүзінде қолдануға мүмкіндік беретін нақты жобалармен жұмыс істейді. Мектеп қорытындысы бойынша алдағы жылдарға арналған Қазақстанда волонтерлік қозғалысты дамытудың жол картасы әзірленетін болады.

Фото: ҚР Мәдениет және ақпарат министрлігі