ООГАНИСТАН, 2026-жылдын 21-майы – Karavan Info маалымат агенттиги. БУУ жана гуманитардык уюмдар 2026-жылы Иран менен Пакистандан кайтып келиши күтүлүп жаткан 2,7 миллион ооган качкындарын колдоо үчүн 529 миллион долларлык планды жарыялашты.

Программа апрель айынан декабрга чейин чек ара аймактарында жана кайтып келген үй-бүлөлөр үчүн кайра жайгаштыруу жайларында ишке ашырылат.

План эки негизги багытты камтыйт: чек арада шашылыш жардам көрсөтүү жана кайра интеграциялоо программалары.

Шашылыш гуманитардык жардамга 100,7 миллион доллар, ал эми кайтып келгендерди калыбына келтирүү жана интеграциялоо үчүн 428,5 миллион доллар бөлүнгөн. Бул каражат билим берүүгө, саламаттыкты сактоого, суу менен камсыздоого, жумуш орундарын түзүүгө жана турак-жай курууга жумшоо пландаштырылууда.

БУУнун маалыматы боюнча, 2023-жылдын сентябрь айынан бери Ооганстанга болжол менен 5,9 миллион адам кайтып келген. Кийинки сегиз айдын ичинде Иран менен Пакистандан дагы 2,8 миллион ооган кайтып келет деп күтүлүүдө.

БУУнун расмий өкүлдөрү жумуш орундарына, турак жайга, саламаттыкты сактоого жана негизги кызматтарга кошумча инвестиция салынбаса, өлкө жакырчылыктын өсүшүнө, андан ары жер которууга жана социалдык чыңалуунун күчөшүнө туш болушу мүмкүн деп эскертишти.

Сүрөт: Haama Press