Остона, 06 июни соли 2026-АИ «Караван Инфо». Президенти Қазоқистон Қасим-Жомарт Токаев дар маросими тантанавии баланд бардоштани парчами Давлатӣ ба муносибати Рӯзи рамзҳои давлатӣ суханронӣ намуд.

Сарвари давлат аҳамияти махсуси ҷашнро барои ҳар як шаҳрванди кишвар қайд намуда, таъкид кард, ки рамзҳои давлатӣ таърих, арзишҳо ва истиқлолияти Қазоқистонро инъикос менамоянд.

“Рамзҳои муқаддаси мо – таҷассумгари равшани арзишҳои халқи мо мебошанд. Ҳар кадоми онҳо ҳувияти миллии моро инъикос мекунанд”, — изҳор дошт Президент.

Ба гуфтаи Токаев, Нишон рамзи давлатдории қазоқистон аст, Суруди Миллӣ овози озодӣ аст ва парчами кабуд – осмонӣ Истиқлолияти кишварро ифода мекунад.

Президент инчунин хотиррасон намуд, ки дар тӯли таърих мардуми қазоқ зери парчами ягона муттаҳид шуда, ягонагӣ ва ризоиятро нигоҳ медоштанд. Имрӯз Қазоқистон ҳамбастагии ҷомеаро идома медиҳад ва бо боварӣ ба пеш ҳаракат мекунад.

Аксҳо: Акорда