Toshkent, 2026-yil 11-iyun – Karavan Info axborot agentligi. Toshkent viloyat sogʻliqni saqlash boshqarmasida Rossiya Sogʻliqni saqlash vazirligi vakillari bilan qoʻshma seminar va trening boʻlib oʻtdi. Seminar epidemiologik xavfsizlik va infeksiya nazorati tizimlarini takomillashtirishga bagʻishlangan.
Tadbirda kasalxonada yuqadigan infeksiyalarning oldini olish, tibbiy uskunalarni dezinfeksiya qilishning zamonaviy texnologiyalarini joriy etish, dezinfeksiya vositalarining samaradorligini oshirish hamda tibbiyot muassasalarida sanitariya-epidemiologik xavfsizlik tizimlarini takomillashtirish choralari muhokama qilindi.
Xodimlarni kasbiy tayyorlash va epidemiologik nazoratni tashkil etishga zamonaviy yondashuvlarni joriy etish masalalariga alohida e'tibor qaratildi.
Uchrashuv yakunida tomonlar amaliy hamkorlikni kengaytirish, mutaxassislar oʻrtasida tajriba almashish dasturlarini ishlab chiqish, qoʻshma taʼlim tadbirlarini oʻtkazish va tibbiyot xodimlarining malakasini yanada oshirishga kelishib oldilar.