Қаржы мониторингі агенттігі Астана қаласы мәдениет басқармасының бұрынғы басшысы мен мердігер ұйым өкілдеріне қатысты тергеу жүргізеді. Олар «Күн» субұрқағын салуға бөлінген 1 млрд теңгеден астам қаражатты жымқырды деп күдіктелуде.

Тергеу субұрқақтың құрылысына шарттар конкурстар өткізілмей жасалғанын анықтады, ал нысанның өзі қажетті құжаттамасыз және сапасыз материалдарды пайдалана отырып тұрғызылды. Нәтижесінде субұрқақ апатты жағдайда болды және 2017 жылдан бері жұмыс істемейді.

Күдікті мәдениет басқармасының бұрынғы басшысы ұсталып, қамауға алынды. Оның мүлкіне, сондай-ақ істің басқа да қатысушыларының мүлкіне жалпы сомасы 572 млн теңгеден астам тыйым салынды. Тергеу жалғасуда.

Фото: ҚР Қаржы мониторингі агенттігі