Алмаато, 11 июни соли 2026 АИ «Караван Инфо». Дар шаҳр системаи мониторинги сифати ҳаво васеъ намуда мешавад. Маслихат (маҷлиси шаҳрӣ) хариди 20 истгоҳи мобилии назорати муҳити зистро баррасӣ намудааст.

Ҳоло дар Алмаато 16 истгоҳи доимии назоратӣ фаъолият мекунанд. Аммо онҳо ҳамаи минтақаҳоро фаро намегиранд ва имкон намедиҳанд, ки манбаъҳои маҳалии ифлоскунанда зуд муайян карда шаванд.

Онҳоро дар ҳар нуқтаи шаҳр ҷойгир кардан мумкин аст. Маълумот дар вақти воқеӣ қабул мешавад. Ин истгоҳҳо дар муайян кардани сабаби бад шудани сифати ҳаво: нақлиёт, корхонаҳои саноатӣ ё истифодаи сӯзишвории сахт дар бахши хусусӣ кӯмак хоҳанд кард.

Маълумоти бадастомада барои инҳо истифода мешавад:

• тақвияти назорат бар манбаъҳои ифлоскунанда,

• танзими идоракунии ҳаракати нақлиёт,

• рушди нақлиёти ҷамъиятӣ,

• ҷорӣ намудани Минтақаҳои кампартов (LEZ – минтақаҳое, ки дастрасӣ ба онҳо барои нақлиётҳои бо муҳаррикҳои партови баланд маҳдуд аст),

• газификатсияи ноҳияҳои ҷудо.

Ин истгоҳҳо инчунин имкон медиҳанд, ки лоиҳаҳои асосии экологиро ба таври объективӣ арзёбӣ кунанд: гузаронидани нерӯгоҳи гармидиҳӣ ва барқии муттаҳид (НГБМ-2) ба газ, муосирсозии нақлиёт ва стандартҳои нави экологи.

Акс: Маъмурияти шаҳри Алмаато