Остона, 11 июни соли 2026-АИ «Караван Инфо». Ба чор паланг, ки барои барқарорсозии популятсия ба Қазоқистон оварда шудаанд, ном гузошта шуд. Ин номҳоро ҷонибҳои Қазоқистон ва Русия якҷоя интихоб намуданд.

Номҳои онҳо чунинанд:

• паланг мард — Амур,

• паланг зан — Умит (ки дар забони қазоқӣ маънояш «Умед» аст),

• палангбачаи нарина— Турон (минтақаи таърихӣ дар Осиёи Марказӣ),

• палангбачаи модина — Уссури (дарё ва минтақа дар Шарқи Дур).

Ҳайвонот ҳоло дар қафасҳои парваришгоҳи давлатии табии Иле-Балқаш қарор доранд. Онҳо таҳти назорати мутахассисон ва байторҳо дар ҳоли мутобиқшавӣ қарор доранд. Ҳолати онҳо устувор аст.

Пас аз анҷоми раванди мутобиқшавӣ, палангҳо ба муҳити зисти ваҳшӣ озод хоҳанд шуд. Пеш аз озод шуданашон ба онҳо гарданбандҳои моҳвораие насб карда мешаванд, то ҳаракатҳояшонро пайваста назорат кунанд.

Акс: Вазорати экология ва захираҳои табии ҶҚ