AFG'ONISTON, 2026-yil 16-iyun – Karavan Info axborot agentligi. Ariana Afghan Airlines rasmiylari Iordaniya aviakompaniyasi vakillari bilan Boeing 767-200 charter samolyotini ijaraga olish shartnomasi shartlari bo'yicha muzokaralar olib borishdi.

Tolibon vakillarining so'zlariga ko'ra, uchrashuvlar davomida tomonlar ikki tomonlama hamkorlikning texnik, operatsion va tijorat jihatlarini, shuningdek, ushbu charter reysning operatsion salohiyatini oshirish masalalarini muhokama qilishgan.

Aviakompaniya matbuot xizmati muzokaralar natijasida kelishuv imzolangandan so'ng ushbu samolyot Afg'oniston havo transportini mustahkamlashda va milliy tadbirkorlar va yo'lovchilar uchun yangi imkoniyatlar yaratishda muhim rol o'ynashiga umid bildirilganini ma'lum qildi.

Boeing 767-200 har bir parvozda taxminan 290 yo'lovchi va 25 tonnagacha tijorat yuklarini tashishga qodir.

Samolyot tez orada Kobulga yetib kelishi va rasman ichki va xalqaro reyslarni amalga oshirishni boshlashi kutilmoqda.

Foto: Etilaatroz (Itilaatroz)