ООГАНИСТАН, 2026-жылдын 19-июну – Karavan Info маалымат агенттиги. Ооганстандын Шаардык курулуш жана турак жай министрлиги бейшемби күнү, 18-июнда, бир нече провинцияларда кайтып келген качкын үй-бүлөлөргө 902 турак жай жер тилкеси бөлүштүрүлгөнүн жарыялады.

Агенттиктин маалыматы боюнча, бул программанын алкагында берилген жер тилкелеринин жалпы саны 47 991ге жетти.

Болгону бир күндүн ичинде жер тилкелери төмөнкүдөй бөлүштүрүлдү:

• Нангархар – 300

• Фарах – 185

•Гелманд— 54

• Нимроз – 18

• Фарьяб – 235

• Балх – 110

Өкмөт өкүлдөрүнүн айтымында, акыркы беш жылда коңшу өлкөлөрдөн, негизинен Пакистандан жана Ирандан 4,5 миллиондон ашык ооган качкыны кайтып келишкен. Бирок, бул убакыттын ичинде 10 миңден бир аз ашыгыраак үй-бүлө жер тилкелерин алышкан, бул кайтып келгендердин санынан бир топ аз.

Кайра жайгаштыруу программалары ишке ашырылып, кайтып келгендер үчүн өзүнчө конуштар түзүлгөнүнө карабастан, көптөгөн жаңы келгендер жумушсуздукка жана турак-жайдын жоктугуна нааразы.

Алардын айтымында, айрымдары мыйзамсыз жолдор менен өлкөдөн кайрадан чыгып кетүүгө аракет кылып жатышат.

Сүрөт: Ооганстандын Улуттук телевидениеси "Мили"