ООГАНИСТАН, 2026-жылдын 6-июлу – Karavan Info маалымат агенттиги. Тургундардын айтымында, бир литр бензиндин баасы болжол менен 10 ооганга өскөн: литрине 67ден 76 ооганга чейин.
Ишкерлер жүздөгөн күйүүчү май ташуучу унаалар Герат, Фарах жана Нимроздогу бажыларда кармалып турганын билдиришти.
Мунай продуктуларынын олуттуу бөлүгү өлкөгө Ирандан, ошондой эле Борбор Азия өлкөлөрүнөн жана Орусиядан келет.
Күйүүчү майдын жетишсиздигине байланыштуу кооптонуулардын алкагында Ооганстандын Соода жана инвестиция палатасы импорттоочуларды рыноктун суроо-талабын канааттандыруу жана потенциалдуу жетишсиздикти болтурбоо үчүн бензин, дизель жана суюлтулган газдын көлөмүн көбөйтүүгө чакырды.
Талибан бийлиги күйүүчү майдын баасынын көтөрүлүшүнүн себептери боюнча азырынча комментарий бере элек.
Сүрөт: The Killid Group