Бишкек, 2026-жылдын 7-июлу – Karavan Info маалымат агенттиги. Чолпон-Атадагы №2 мамлекеттик резиденцияда Кыргызстандын президенти Садыр Жапаров менен Пакистандын президенти Асиф Али Зардаринин расмий жолугушуусу башталды.

«Рух Ордо» маданий борборунда мамлекет башчыларын жана расмий делегациялардын мүчөлөрүн ардактуу кароол тосуп алды.

Пакистандын президенти аскер кызматкерлерин "Ассаламу алейкум, аскар" деген сөздөр менен тосуп алды. Андан кийин Садыр Жапаров жана Асиф Али Зардари расмий делегациялардын мүчөлөрүн тааныштырышты.

Сапардын жүрүшүндө эки өлкөнүн лидерлери эки тараптуу күн тартибиндеги актуалдуу маселелерди жана Кыргызстан менен Пакистандын ортосундагы кызматташтыкты андан ары чыңдоо келечегин талкуулашат.

Ошондой эле сапардын программасында маданий иш-чаралар камтылган.