ООГАНИСТАН, 2026-жылдын 9-июлу – Karavan Info маалымат агенттиги. Германия өкмөтү 2024-жылдын 31-декабрынан 2026-жылдын 19-июнуна чейин өлкөдөн 87 ооган жараны чыгарылганын билдирди. Алардын 77си үч чартердик каттам менен, ал эми дагы 10у пландуу каттамдар менен жөнөтүлдү. Чартердик каттамдардын баасы 1,06 миллион еврону түздү.

Германиянын солчул партиясы болгон Die Link парламентинин мүчөлөрүнүн өтүнүчүнө жооп катары бийлик депортацияланып жаткандардын инсандыгын аныктоо жана жол жүрүү документтерин иштеп чыгуу үчүн талиптердин өкүлдөрү менен жолугушуулар өткөрүлгөнүн ырастады.

Купуялуулук себептеринен улам катышуучулардын аты-жөнү ачыкка чыгарылбайт.

Берлин ошондой эле талибдерге кызматташуу үчүн акча төлөнгөнү тууралуу маалыматтарды четке кагып, Федералдык полиция аларга эч кандай каражат которбогонун билдирди.

Германиянын Ички иштер министрлиги депортацияны уюштуруу үчүн талибдердин өкүлдөрү менен жумушчу байланыштар зарыл экенин, бирок бул азыркы Ооган бийлигин саясий жактан таануу болуп саналбай турганын баса белгиледи.

Сүрөт: kabulNow (кабулнау)