AFG'ONISTON, 2026-yil 9-iyul – Karavan Info axborot agentligi. Germaniya hukumati 2024-yil 31-dekabrdan 2026-yil 19-iyungacha bo'lgan davrda 87 nafar Afg'oniston fuqarosi mamlakatdan chiqarib yuborilganini xabar qildi. Ulardan 77 nafari uchta charter reys bilan, yana 10 nafari esa muntazam reyslar bilan jo'natildi. Charter reyslarining qiymati 1,06 million yevroni tashkil etdi.

Germaniyaning chap qanot partiyasi Die Link parlamenti a'zolarining so'roviga javoban, rasmiylar deportatsiya qilinayotganlarning shaxsini aniqlash va sayohat hujjatlarini qayta ishlash uchun Tolibon vakillari bilan uchrashuvlar o'tkazilganini tasdiqladilar.

Maxfiylik nuqtai nazaridan ishtirokchilarning ismlari oshkor qilinmayapti.

Berlin shuningdek, Tolibonga hamkorlik uchun to'lovlar haqidagi xabarlarni rad etdi va Federal politsiya ularga hech qanday mablag' o'tkazmaganini aytdi.

Germaniya Ichki ishlar vazirligi deportatsiyalarni tashkil qilish uchun Tolibon vakillari bilan ishchi aloqalar zarurligini, ammo bu amaldagi Afgʻoniston hukumatining siyosiy tan olinishini anglatmasligini taʼkidladi.

Surat: kabulNow (kabulnau)