Астана, 20 шілде 2026 жыл — Karavan Info ақпараттық агенттігі. Халықаралық автомобиль тасымалы жөніндегі Қазақстан-Грузия бірлескен комиссиясы 22 шілдеден бастап сынақ режимінде e-Permit жүйесі (электрондық рұқсат беру жүйесі) арқылы рұқсаттарды электронды түрде беру және алмасуға көшуге келісті.

Электронды құжат айналымы әкімшілік процедураларды азайтады, ашықтықты арттырады және жөнелтілімдерді өңдеуді жеделдетеді. Өтпелі кезең аяқталғаннан кейін тараптар шексіз рұқсат квотасын белгілеуге дайын.

Комиссия жүк тасымалының тұрақты өсуін және екі елдің халықаралық дәліздердегі рөлін атап өтті. Тасымалдаушылардың қажеттіліктерін қанағаттандыру үшін тараптар 2026 жылға қосымша 6000 рұқсат алмасады. 2027 жылға арналған алдын ала квота 20 500 бірлік көлемінде келісілді, бұл алдыңғы кезеңмен салыстырғанда 6000 бірлікке артық.

Министрліктің мәлімдеуінше, квота көлемінің артуы Қазақстан мен Грузия арасындағы сауда-экономикалық байланыстарды дамытуға қосымша мүмкіндіктер туғызады. Тараптар автомобиль көлігі саласындағы қарым-қатынастарды дамытудың маңыздылығын растады.

Фото: Қазақстан Республикасы Көлік министрлігі