Остона, 20 июли соли 2026-АИ Караван инфо. Вазорати корҳои хориҷии Қазоқистон ҳамлаҳои ҳавопаймоҳои бесарнишин (дронҳо) – ро ба киштиҳои шаҳрвандӣ дар баҳри Сиёҳ 17 ва 19 июл маҳкум намуд. Киштиҳо нафтро тавассути инфрасохтори консорсиуми қубурҳои Каспий (КҚК) интиқол медоданд.

Қазоқистон ин ҳодисаро ҳамчун таҷовуз ба манфиатҳои иқтисодии худ ва кӯшиши ноором намудани тиҷорати байналмилалӣ ва бозорҳои энергетикӣ арзёбӣ намуд. Дар изҳорот, идораҳо инчунин қайд намуданд, ки механизми қаблан мувофиқашудаи мубодилаи иттилоот дар бораи судҳои шаҳрвандӣ қасдан нодида гирифта шуда, ба ҳаёти экипажҳо таҳдид намудааст.

ВКХ талаб намуд, ки ҳамлаҳо фавран қатъ намуда шаванд ва барои ҳифзи инфрасохтори содироти углевлеводородҳои қазоқистон чораҳо андешида шаванд. Қазоқистон аз кишварҳои шарик даъват намуд, ки ҳамлаҳоро маҳкум кунанд ва барои пешгирии чунин ҳодисаҳо қадамҳои амалӣ андешанд.

Вазорат инчунин хабар дод, ки арзебии зарарро анҷом медиҳад. Дар натиҷа, Қазоқистон ҳуқуқ дорад, ки тамоми механизмҳои ҳуқуқи байналмилалиро, аз ҷумла талаботи ҷуброни зарарро истифода барад. ВКХ бетағйир будани ҳалли сулҳомези низоъҳо ва пойбандии озодии киштигардӣ ва кори устувори хатсайрҳои байналмилалии нақлиётро таъкид намуд.

Аксҳо: ВКХ ҶҚ