Астана, 2026 жылғы 31 шілде – Karavan Info ақпараттық агенттігі. Қазақстанның Энергетика министрі Ерлан Ақкенженов Америка Құрама Штаттарының (АҚШ) Қазақстандағы Төтенше және Өкілетті Елшісі Джули Стаффпен кездесті. Тараптар аймақтық энергетикалық қауіпсіздік, экспорттық инфрақұрылымның сенімділігі және әлемдік нарықтарға энергия жеткізудің тұрақтылығы мәселелерін талқылады.

Министр мен Елші стратегиялық серіктестікті нығайтуға және Стратегиялық энергетикалық серіктестік аясында диалогты жалғастыруға мүдделі екендіктерін растады. Тараптар сондай-ақ энергетика саласында инвестициялар тарту және бірлескен бастамаларды жүзеге асыру мәселелерін талқылады.

Фото : Қазақстан Республикасы Энергетика министрлігі