Душанбе, 05 август, – АИ «Корвон Иттилоот». Лоиҳаи таълимӣ дар доираи иҷрои Барномаи давлатии «Тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2023-2030» амалӣ мешавад. Анҷоми бомуваффақияти давраи навбатии курс кори пайвастаро оид ба тайёр кардан ва пешбарӣ намудани кадрҳои роҳбарикунанда аз ҳисоби занони лаёқатманд инъикос менамояд.

Ин иқдом ҳамчун воситаи самараноки пешбурди роҳбарии занон худро нишон додааст. Курс аллакай соли ҳаштум аст, ки таҳти унвонҳои гуногун — «Духтарони Пешво», «Зан-роҳбар», «Мактаби сарварони ҷавон», «Зан ва сиёсат» баргузор мегардад. Дар ин муддат зиёда аз садҳо нафар занону духтарон омӯзишро бомуваффақият хатм карда, соҳиби гувоҳнома гардидаанд.

Дар назди шунавандагон устодони ботаҷриба, занони роҳбар ва ходимони давлатӣ баромад карда, таҷрибаи амалии худро дар соҳаи идоракунӣ интиқол доданд. Вазифаҳои асосии барнома ҷалби ҷавонони лаёқатманд ба хизмати давлатӣ, баланд бардоштани маърифати ҳуқуқӣ ва шаҳрвандӣ, инчунин таъмини ҳуқуқ ва имкониятҳои баробар ҳангоми таъин ба вазифаҳои роҳбарикунандаро дар бар мегиранд.

Баргузории мунтазами мактабҳои роҳбарии занон дар сатҳи маҳаллӣ ва минтақавӣ ба ташаккули захираи босифати кадрӣ мусоидат намуда, институти баробарии имкониятҳоро таҳким мебахшад ва иштироки занонро дар рушди иҷтимоию иқтисодии вилояти Суғд ва тамоми кишвар васеъ мегардонад.

Васеъшавии доираи мутахассисони омода ва ҳавасманд ба қабули қарорҳои мутавозин кӯмак мерасонад ва ҷомеаи шаҳрвандиро таҳким мебахшад.

АКС: Мақомоти иҷроияи ҳокимияти давлатии шаҳри Гулистон