Остона, 07 августи соли 2026-АИ «Караван Инфо». Дар донишгоҳи миллии аграрии тадқиқотии Қазоқистон (КазНАРУ) озмоишгоҳи байналмилалии ба номи академики академияи илмҳои Чин Гао Фу кушода шуд. Маркази илмӣ дар доираи ҳамкории Қазоқистон ва Чин бо иштироки академияи Миллии илмҳои ҶҚ, донишгоҳи Чжэтсзян ва Институти микробиологияи академияи илмҳои Чин таъсис дода шудааст.

Озмоишгоҳ дар соҳаи бехатарии биологӣ, микробиология ва консепсияи One Health (“Уан Хелс” «Саломатии ягона») таҳқиқот мегузаронад. Олимон сироятҳои нав ва баргаштаро меомӯзанд, бемориҳои зоонотикиро назорат мекунанд, усулҳои муосири ташхиси молекулавӣ ва таҳқиқоти геномиро таҳия мекунанд.

“Лабораторияи нав ба олимони қазоқистон дастрасӣ ба технологияҳои пешрафта, таҳқиқоти муштарак бо марказҳои пешрафтаи илмии Чин ва лоиҳаҳои байналмилалии илмиро боз мекунад”, — хабар доданд Вазорати кишоварзии ҶҚ.

Идора қайд намуд, ки лоиҳа имкон медиҳад, ки иқтидори илмии кишвар тақвият дода шавад, ҷорӣ намудани таҳияҳои инноватсионӣ суръат бахшад ва иштироки муҳаққиқони ватанӣ дар ҳалли масъалаҳои тандурустӣ, байторӣ ва амнияти озуқаворӣ васеъ намуда шавад.

Расми тасвирӣ, хадамоти матбуоти Вазорати илм