МОСКВА, 2026-жылдын 6-августу – Karavan Info маалымат агенттиги. Россиянын Президенти Владимир Путин Ысык-Көлдө өтүп жаткан VIII орус-кыргыз экономикалык форумунун жана XII орус-кыргыз аймактар аралык конференциясынын катышуучуларына куттуктоо жолдоду.
Мамлекет башчысы эки өлкөнүн стратегиялык өнөктөштүгүн өнүктүрүүгө багытталган иш-чараларга Орусия менен Кыргызстандык миңден ашык өкүл — аймактардын, мамлекеттик органдардын, бизнес жана коомдук уюмдардын жетекчилери катышып жатканын белгиледи.
Путиндин айтымында, орус-кыргыз экономикалык кызматташтыгы бекемделип жатат. 2025-жылы өз ара соода көлөмү 26% га өсүп, 5 миллиард доллардан ашты.
Орус-кыргыз өнүктүрүү фонду жалпысынан 1 миллиард доллардан ашык суммадагы 4000ге жакын биргелешкен долбоорду каржылаган.
Президент ошондой эле энергетика, өнөр жай, айыл чарба, транспорт, санариптештирүү жана гуманитардык маселелер боюнча кызматташуунун маанилүүлүгүн баса белгиледи. Кыргызстанда орусиялык капитал менен 2000ден ашык компания иштейт.
Путин Орусия менен Кыргызстандын ортосундагы мындан аркы кызматташтык эки өлкөнүн экономикалык өсүшүнө жана жарандарынын жыргалчылыгын жакшыртууга өбөлгө түзөрүнө ишеним билдирди.
Сүрөт: Kremlin.ru(Kremlin.ru)