AFG'ONISTON, 2026-yil 6-avgust – Karavan Info axborot agentligi. Afg'oniston chegara politsiyasi boshqarmasi Hayraton portida 1,1 million dollardan ortiq xorijiy valyutani noqonuniy olib o'tishga urinishning oldi olinganini xabar qildi.

Agentlik ma'lumotlariga ko'ra, valyuta mohirona yengil avtomobilning orqa qismiga yashirilgan.

Chegara politsiyasi boshqarmasi vakili Zuhur Ahmad Nurining aytishicha, chegara kuchlari Balx viloyatidagi Hayraton portida yo'lovchi transport vositasini tekshirish paytida katta miqdordagi xorijiy valyutani topgan.

Uning so'zlariga ko'ra, valyuta mohirona avtomobil kuzovi ichiga yashiringan.

Uning aniqlik kiritishicha, topilgan valyuta tarkibiga quyidagilar kiradi: 343 725 yevro, 20 480 AQSh dollari, 78 585 Kanada dollari, 59 900 Avstraliya dollari, 14 750 Yangi Zelandiya dollari, 313 050 funt sterling, 42 550 Shveytsariya franki va 600 000 Saudiya riali.

Tolibon ushbu valyuta Afg'onistondan chet elga eksport qilinganmi yoki aksincha, mamlakatga chet eldan yashirincha olib kirilganmi, aniqlik kiritmadi.

Surat: Al-Jazira