Toshkent, 2026-yil 7-avgust – Karavan Info axborot agentligi. Badiiy gimnastika boʻyicha jahon chempionati 12-16-avgust kunlari Germaniyaning Frankfurt shahrida boʻlib oʻtadi. Musobaqada dunyoning 350 ga yaqin eng yaxshi sportchilari , jumladan, Oʻzbekiston terma jamoasi vakillari ishtirok etadi.
Turnirning asosiy xususiyati 2028-yilgi Los-Anjeles o'yinlari uchun birinchi Olimpiya litsenziyalarini topshirish bo'ladi. Reglamentga ko'ra, yakka va guruh bahslarida birinchi o'rinni egallagan sportchilar va jamoalar litsenziyalarni qo'lga kiritadilar.
Jahon chempionatida O'zbekistonni yetti nafar gimnastikachi himoya qiladi .
Taxmina Ikromova shaxsiy dasturda medallar va Olimpiya litsenziyasi uchun bahslarda ishtirok etadi.
Guruh mashqlarida mamlakatni Evelina Atalyanc, Mumtoza Isxoqzoda, Amaliya Mamedova, Yasmina Mkrticheva, Yuliya Valevataya va Tamila Ziganshina himoya qiladi.
Chempionatda o'zbekistonlik gimnastikachilar nafaqat jahon chempionati medallari, balki 2028-yilgi Olimpiada o'yinlarining dastlabki ishtirokchilari qatoridan joy olish huquqi uchun ham kurash olib boradilar.