Остона, 08 августи соли 2026-АИ «Караван Инфо». Дар Қазоқистон ҷаласаи комиссияи Ҷумҳуриявӣ оид ба додани грантҳои давлатии таълимӣ баргузор гардид. Рӯйхати ниҳоии дорандагони грантҳо то 10-уми август нашр намуда мешавад.

Ба ҳайати комиссия намояндагони мақомоти давлатӣ, ташкилотҳои ҷамъиятӣ, палатаи миллии соҳибкорони “Атамекен”, Ассотсиатсияи донишгоҳҳо ва иттифоқҳои касаба дохил шуданд. Мутахассисон аризаҳои довталабонро баррасӣ намуданд ва тақсимоти грантҳо дар асоси озмун аз рӯи натиҷаҳои ТЯМ ва тибқи қоидаҳои амалкунанда сурат мегирад.

“Барои иштирок дар озмуни грантҳои давлатии таълимӣ зиёда аз 127 ҳазор ариза пешниҳод шудааст”, — хабар доданд дар Вазорати илм ва таҳсилоти олии ҶҚ.

Самтҳои “Илмҳои Педагогӣ”, “Соҳаҳои Муҳандисӣ, коркард ва сохтмон” ва “Технологияҳои Иттилоотӣ-коммуникатсионӣ” аз ҳама бештар талаб намуда мешаванд. Озмуни баландтарин барои ихтисосҳои тарҷумонҳо, дипломатҳо, ҳуқуқшиносон, равоншиносон ва омӯзгорон пешбинӣ шудааст.

Пас аз интишори натиҷаҳо, довталабон метавонанд ҳуҷҷатҳоро ба донишгоҳҳои интихобшуда пешниҳод кунанд. Маъракаи қабул 25-уми август ба анҷом мерасад.

Аксҳо: ВИТО ҶҚ