ООГАНЫСТАН, 2026-жылдын 13-августу – Karavan Info маалымат агенттиги. ЮНЕСКО 12-августта Талибандын саясатынан улам Ооганстанда болжол менен 2,4 миллион кыз башталгыч мектептен кийинки билим алуудан системалуу түрдө ажырап калганын билдирди.

Ооганстан аялдар менен кыздарга алтынчы класстан кийин билим алуу мүмкүнчүлүгү берилбеген дүйнөдөгү жалгыз өлкө бойдон калууда.

ЮНЕСКОнун маалыматы боюнча, чектөөлөр акыркы жыйырма жылдагы жетишкендиктерди жок кылууда. 2021-жылы орто жана жогорку окуу жайларында дээрлик 1 миллион кыз окуган.

Уюм билим берүүгө тыюу салуу жакырчылыкты күчөтүп, эрте никеге туруу коркунучун жогорулатып, аялдар менен кыздардын физикалык жана психологиялык ден соолугуна терс таасирин тийгизерин эскертти. Аял мугалимдерге эркек балдарга сабак берүүгө тыюу салуу мугалимдердин жетишсиздигин күчөтүп, билим берүүнүн сапатына доо кетирет.

ЮНЕСКО өлкөдөгү он жаштагы балдардын 90% дан ашыгы жөнөкөй текстти окуй албасын жана сабаттуулук деңгээли болжол менен 37% түзөрүн белгиледи. Андан тышкары, мектептердин дээрлик жарымында суу, санитария же жылытуу системасы жок.

Уюм эл аралык коомчулукту кырдаалга көз жумбоого чакырып, Ооганстандагы аялдар менен кыздардын билим алуу укугун калыбына келтирүүнү талап кылды.

Сүрөт: AFP (Agence France-Presse)