МОСКВА, 2026-жылдын 15-августу – Karavan Info маалымат агенттиги. Россия Федерациясы Кыргызстандагы орто мектептерге 671 000 нускада орус тилин окутуучу куралдарды жеткирди.
Эки өлкөнүн адистери тарабынан биргелешип басылып чыккан адабияттар 1, 2 жана 5-класстын окуучулары үчүн арналган жана Кыргыз Республикасынын билим берүү стандарттарына толук жооп берет.
Китептерди тапшыруу аземине "Менин тарыхым" фондунун өкүлү Павел Гнидин жана "Окуу китеби" басма үйүнүн жетекчиси Тологон Аматов катышты. Китептер жакында республиканын аймактарына таратылат.
Мындай гуманитардык жеткирүүлөр үзгүлтүксүз жүргүзүлүп тураары белгиленет: бир жыл мурун Кыргызстан Россия Федерациясынан 651 миң нускадагы окуу материалдарын алган.
Сүрөт: "Менин тарыхым" басма сөз кызматы