ООГАНСТАН, 2026-жылдын 17-августу – Karavan Info маалымат агенттиги. Иран бийлиги Иран, Ооганстан, Тажикстан жана Кытайдын ортосунда транспорттук коридор түзүү боюнча көп тараптуу сүйлөшүүлөрдү колдоого даяр экенин билдиришти.
IRNA агенттигинин маалыматына ылайык, Ирандын жолдор жана шаар курулушу министри Фарзане Садек Тажикстандын транспорт министри Далер Жума жана энергетика жана суу ресурстары министри Азим Ибрагим менен жолугушуп, бул коридордун келечегин талкуулады.
Садек Иран бул жол боюнча көп тараптуу сүйлөшүүлөрдү кубаттай турганын билдирди. Анын айтымында, Ооганстандын Фарах провинциясындагы жол бир айдын ичинде ачылат деп күтүлүүдө.
Бул жол Иран, Ооганстан, Тажикстан жана Кытайдын биргелешкен кызматташтыгын кеңейтүү үчүн негиз түзө алат.
Долбоордун узундугу болжол менен 117 чакырымды түзөт. Жол Ирандын чек арасы Махируддан башталып, Ооганстандын Фарах провинциясынын борборуна чейин созулат.
Сүрөт: Омидрадио