Бишкек, 2026-жылдын 18-августу – Karavan Info маалымат агенттиги. 18-августта Кыргызстандын билим берүү министри Догдуркул Кендирбаева Таластагы Акылман президенттик лицейинин ачылышына даярдык иштерин текшерди. Бул тууралуу Билим берүү министрлиги билдирди.
Министр окутуучулар курамын конкурстук негизде тандоонун маанилүүлүгүн белгилеп, билим берүүнүн сапатына өзгөчө көңүл буруу зарылдыгын баса белгиледи.
Жумушчу сапарынын алкагында министр курулуш иштеринин жүрүшүн жана класстардын абалын текшерди.
Жаңы окуу жылынын алдында Акылман президенттик лицейинин Талас филиалы 7–8-класстарда окуган 96 окуучу үчүн эшигин ачат.
Лицей 920 окуучуга ылайыкташтырылган. Ошондой эле 168 орундуу жатакана каралган.
Сүрөт: Кыргыз Республикасынын Билим берүү министрлиги