Ostona, 2026-yil 23-avgust – Karavan Info axborot agentligi. Qozogʻistondagi barcha saylov uchastkalarida ovoz berish yakunlandi. Uchastka komissiyalari byulletenlarni sanashni boshladilar. Qonunga koʻra, sanash jarayoni boshlanganidan keyin 12 soat ichida yakunlanishi kerak.

Markaziy saylov komissiyasining ma'lumotlariga ko'ra, soat 20:00 ga qadar mamlakat bo'ylab 9 352 151 nafar saylovchi yoki ro'yxatga kiritilgan fuqarolarning 74,19 foizi ovoz bergan.

Eng yuqori ishtirok Turkiston viloyatida (92,16%), Jetisu viloyatida (91,19%) va Qizilo'rda viloyatida (90,75%) qayd etildi. Ostonada bu ko'rsatkich 51,67%, Olmaotada (43,23%) va Chimkentda (75,42%) bo'ldi.

"Mamlakat bo'ylab barcha saylov uchastkalarida ovoz berish yakunlandi. Uchastka saylov komissiyalari ovozlarni sanashni boshladi."

Hududiy komissiyalar dastlabki natijalarni Markaziy saylov komissiyasiga elektron aloqa kanallari orqali yuboradi. Dastlabki ovoz berish natijalari Markaziy saylov komissiyasi tomonidan alohida brifingda eʼlon qilinadi.

Surat: Qozog'iston Respublikasi Markaziy saylov komissiyasi