Toshkent, 2026-yil 28-avgust – Karavan Info axborot agentligi. Oʻzbekiston terma jamoasi eshkak eshish boʻyicha jahon chempionatida mamlakat tarixidagi birinchi oltin medalni qoʻlga kiritdi.

Amsterdamda bo'lib o'tgan musobaqa finalida Shahzod Nurmatov va Sobir Safarlievdan iborat o'zbekistonlik ekipaj yengil vazndagi eshkak eshish bahslarida g'oliblikni qo'lga kiritdi.

Kumush medallar Germaniya eshkak eshuvchilari, bronza medallar esa AQSh vakillariga nasib etdi.

Bu g'alaba O'zbekiston eshkak eshish sporti uchun tarixiy bo'ldi, chunki mamlakat sportchilari bungacha kattalar o'rtasidagi jahon chempionatida oltin medalni qo'lga kirita olmagan edilar.

Surat: Milliy Olimpiya Qo'mitasi