Toshkent, 2026-yil 28-avgust – Karavan Info axborot agentligi. Hindiston Bosh vaziri Narendra Modi Prezident Shavkat Mirziyoyevning taklifiga binoan 29-30-avgust kunlari Oʻzbekistonga tashrif buyuradi. Bu haqda Hindiston Tashqi ishlar vazirligi maʼlum qildi.
Modi Toshkentda Mirziyoyev bilan kengaytirilgan tarkibda muzokaralar o'tkazadi. Ikki yetakchi strategik sheriklikni mustahkamlash va asosiy sohalarda hamkorlikni rivojlantirish masalalarini muhokama qiladi:
- savdo va investitsiya;
- mudofaa va xavfsizlik;
- raqamli texnologiyalar;
- energiya;
- ta'lim.
Tomonlar, shuningdek, ijtimoiy-iqtisodiy rivojlanishning umumiy ustuvor yo'nalishlarini, jumladan, Hindistonning Viksit Bharat 2047 konsepsiyasi va O'zbekiston 2030 strategiyasini ko'rib chiqadilar.
Bu Modining Oʻzbekistonga toʻrtinchi tashrifi boʻladi. Safar davomida Hindiston bosh vaziri Lal Bahadur Shastri yodgorligi va Toshkent davlat sharqshunoslik universitetining Mahatma Gandi markaziga ham tashrif buyuradi.
Modi Toshkentga tashrifini yakunlaganidan so'ng Bishkekka boradi. 31 avgustdan 1 sentyabrgacha u Shanxay hamkorlik tashkiloti sammitida ishtirok etadi va ShHTga a'zo davlatlar rahbarlari bilan ikki tomonlama uchrashuvlar o'tkazadi.