Остона, 1 сентябри соли 2026-АИ «Караван Инфо». Дар Пойтахти Қазоқистон даври дуюми машваратҳои сиёсӣ байни идораҳои сиёсати хориҷии Ҷумҳурии Қазоқистон ва Султони Умон баргузор шуд. Машваратҳо аз ҷониби ҳамраисони муовини Вазири корҳои хориҷии Қазоқистон Арман Исагалиев ва муовини Вазири корҳои хориҷии Умон оид ба масъалаҳои сиёсӣ Халифа Ал — Ҳарисӣ гузаронида шуданд.

Ҷонибҳо вазъи кунунӣ ва дурнамои муносибатҳои дуҷонибаро баррасӣ намуда, таваҷҷӯҳи тарафайнро ба таҳкими муколамаи сиёсии боваринок тасдиқ намуданд. Ба густариши ҳамкориҳои тиҷоратию иқтисодӣ ва сармоягузорӣ диққати махсус дода, аҳамияти шарикиро дар соҳаи энергетика, соҳаи кӯҳӣ-металлургӣ, кишоварзӣ, нақлиёт ва логистика, инчунин дар соҳаи зеҳни сунъӣ ва технологияҳои нав таъкид намуданд.

Табодули афкор оид ба рӯзномаи минтақавӣ ва ҷаҳонӣ, ҳамкорӣ дар доираи созмонҳои байналмилалӣ Созмони Милали Муттаҳид (СММ), Созмони ҳамкории исломӣ (СҲИ созмони байналмилалии муттаҳидкунандаи давлатҳои мусулмон), Машваратҳо оид ба ҳамкорӣ ва тадбирҳои эътимод дар Осиё (СҲШ) ва созмони исломии амнияти озуқаворӣ (СИАО) сурат гирифт. Дурнамои ҳамкории байниминтақавӣ дар формати Осиёи Марказӣ Шӯрои ҳамкории давлатҳои арабии Халиҷ муҳокима намуда шуд.

Дар натиҷаи мулоқот ҷонибҳо ҷадвали чорабиниҳои дарпешистодаро дар сатҳи олӣ ва баланд мувофиқа намуданд.

Аксҳо: ВКХ-и ҶҚ