AFG'ONISTON, 2026-yil 1-sentabr – Karavan Info axborot agentligi. Yevropa Ittifoqi Afg'onistonning oziq-ovqat xavfsizligini mustahkamlash va mamlakatning iqlim o'zgarishi ta'siriga chidamliligini oshirish uchun 15 million yevro ajratdi.

Moliyalashtirish Birlashgan Millatlar Tashkilotining Jahon oziq-ovqat dasturi (WFP) bilan hamkorlikda barqaror oziq-ovqat tizimlarini rivojlantirish dasturi doirasida amalga oshiriladi.

Ushbu mablagʻlardan quyidagilarga foydalanish rejalashtirilgan:

• mahalliy ishlab chiqarilgan mahsulotlardan foydalangan holda maktab ovqatlanishini qo'llab-quvvatlash;

• qishloq aholisi uchun barqaror daromad manbalarini yaratish;

• tabiiy resurslarni boshqarishni rivojlantirish;

• qishloq xo'jaligi va oziq-ovqat mahsulotlarini qayta ishlashda xususiy sektor ishtirokini oshirish.

Yevropa Ittifoqining ta'kidlashicha, dastur nafaqat oziq-ovqat xavfsizligi bilan bog'liq dolzarb muammolarni hal qilishga, balki mahalliy jamoalarning qurg'oqchilik, tabiiy ofatlarga va iqlim o'zgarishining uzoq muddatli ta'siriga chidamliligini mustahkamlashga ham qaratilgan.

Surat: Atlas Press