Астана, 2026-жылдын 1-сентябры – Karavan Info маалымат агенттиги. Президент Касым-Жомарт Токаев Казакстан Республикасынын Курултайындагы саясий партия фракцияларынын лидерлери менен жолугушуу өткөрдү.

Мамлекет башчысы жаңы Конституциянын 46-беренесине ылайык, премьер-министрлик кызматка Олжас Бектеновдун талапкерлиги боюнча фракция лидерлери менен консультацияларды өткөрүшү керектигин белгиледи.

"Жаңы Өкмөттү түзүүдө фракциялар менен консультациялар маанилүү жол-жобо болуп саналат", – деп белгиледи Президент.

Жыйынга "Адилет", "Ауыл", "Республика", "Ак жол" жана Улуттук социал-демократиялык партия фракцияларынын лидерлери катышты.

Сүрөт: Акорда