ООГАНИСТАН, 2026-жылдын 3-сентябры – Karavan Info маалымат агенттиги. Талибандын Тоо-кен жана мунай министрлиги Норвегиянын Ооганстан боюнча комитети менен биргеликте борбордук сейсмологиялык маалымат борборун ишке киргизди.
Бул мекеме маалыматтарды чогултуу, изилдөө жүргүзүү жана сейсмикалык тобокелдиктерди баалоо үчүн иштелип чыккан.
Расмий ачылыш шаршемби күнү, 2-сентябрда, департамент менен норвегиялык уюмдун ортосундагы кызматташтык келишиминин алкагында өттү.
Геология жана геодезия министринин орун басары борбордун иши илимий пландаштырууда жана табигый кырсыктардын кесепеттерин минималдаштырууда негизги фактор болорун белгиледи.
Борбордун маалыматтары кайсы жерде колдонулат:
- Илимий жана академиялык изилдөөлөр
- Геологиялык изилдөөлөр
- Плотиналарды, түтүк өткөргүчтөрдү жана туннелдерди долбоорлоо жана куруу
- Жер титирөө коркунучун азайтуу боюнча чараларды иштеп чыгуу
Ооганстан жогорку сейсмикалык активдүүлүк зонасында жайгашкан жана анын түндүк-чыгыш аймактары эң аялуу деп эсептелет.
Дүйнөлүк банктын маалыматы боюнча, жер титирөөлөр жыл сайын өлкөнүн инфраструктурасына олуттуу зыян келтирип, адам курмандыктарына алып келет.
Сүрөт: Tolo News