Toshkent, 2026-yil 1-sentabr – Karavan Info axborot agentligi. Oʻzbekiston Prezidenti Shavkat Mirziyoyev va uning rafiqasi rasmiy tashrif bilan Belgradga keldilar.
Oʻzbekiston prezidentining samolyoti Serbiya havo hududidan oʻtayotganda mezbon davlat harbiy-havo kuchlari samolyotlari hamrohligida boʻldi. Nikola Tesla xalqaro aeroportida hurmatli mehmonlarni Serbiya prezidenti Aleksandr Vuchich va uning rafiqasi kutib oldi. Aeroportda ikki mamlakatning davlat bayroqlari koʻtarildi va faxriy qorovul saf tortdi.
Tashrif dasturidan yuqori darajadagi Oʻzbekiston-Serbiya muzokaralari va ikki mamlakat rasmiy va ishbilarmon doiralari vakillari ishtirokida biznes-forum oʻrin olgan.
Uchrashuvlar yakunlari boʻyicha ikki tomonlama hujjatlar toʻplamini qabul qilish rejalashtirilgan.
Surat: Oʻzbekiston Prezidenti matbuot xizmati