Алматы, 2026-жылдын 10-сентябры – Karavan Info маалымат агенттиги. Алматыдагы Казакстандын Улуттук китепканасында француз китеп бурчу ачылды. Анда өлкөнүн тарыхы жана маданияты боюнча басылмалар, француз классиктеринин жана заманбап авторлордун чыгармалары, ошондой эле казак жана орус тилдерине которулган адабияттар көрсөтүлдү. Француз тарыхчысы Мари Фаверонун "Алтын Ордо: Талаа империясы дүйнөнү кантип өзгөрттү" аттуу китебинин казак тилиндеги басылышы да көрсөтүлдү. Чыгарма Алтын Ордонун тарыхына, анын Евразия аймагындагы ролуна жана Борбордук Азиядагы саясий жана маданий процесстерге тийгизген таасирине арналган.
Казакстандын Улуттук китепканасы менен Алматыдагы "Альянс Франсез" маданий кызматташтык келишимине кол коюшту. Документте биргелешкен маданий жана билим берүү долбоорлору, адабий демилгелер жана башка иш-чаралар каралган.
"Жаңы китеп бурчу казакстандык окурмандарга француз адабияты жана маданияты менен жакындан таанышууга мүмкүндүк берет", – деп билдирди Казакстан Республикасынын Маданият жана маалымат министрлигинин басма сөз кызматы.
Сүрөт : Казакстан Республикасынын Маданият жана маалымат министрлиги