АФГАНИСТАН, 10-сентябрь, 2026-жыл – Караван инфо маалымат агенттиги. Талибдердин Малайзиядагы элчиси Накибулла Ахмади Малайзиянын тышкы сооданы өнүктүрүү агенттигинин башчысы Дато Абу Бакр Юсуф менен жолугушту.
Тараптар ооган товарларынын Малайзия рыногуна кирүү мүмкүнчүлүгүн, малайзиялык ишкерлер тарабынан Ооганстанга инвестиция салуу жана эки өлкөнүн бизнес өкүлдөрүнүн ортосундагы түз байланыштарды өнүктүрүү маселелерин талкуулашты.
Малайзиядагы Талибан элчилигинен билдиришкендей, жолугушууда эки өлкөнүн ишкерлеринин соода көргөзмөлөрүнө өз ара катышуусун кеңейтүү жана ишкердик байланыштарды чыңдоо маселелери да талкууланды.
Азыркы Ооган өкмөтүнүн (Талибандын) Малайзия рыногуна болгон кызыгуусу анын тышкы сооданы диверсификациялоо жана Түштүк-Чыгыш Азиядан жаңы инвестиция булактарын тартуу каалоосун чагылдырат.
Малайзия үчүн Ооганстан рыногу биринчи кезекте чийки зат жана айыл чарба продукцияларынын айрым түрлөрү боюнча кызыктуу болушу мүмкүн, бирок экономикалык кызматташтыктын кеңейиши коммерциялык жагымдуулукка гана эмес, саясий жана каржылык тобокелдиктерге да көз каранды болот.
Сүрөт: Hurriyat Radio (пашту)