Ташкент, 2026-жылдын 12-сентябры – Karavan Info маалымат агенттиги. Өзбекстан эл аралык каттамдарды кеңейтүү жана аэропортторун модернизациялоо менен чет элдик туристтердин санын көбөйтүүнү көздөйт. Туризм комитетинин веб-сайтына ылайык, өлкө бийлиги бул пландарды Эл аралык жарандык авиация уюмунун өкүлү менен талкуулады.
Комитеттин төрагасы Абдулазиз Аккулов менен Европа жана Түндүк Атлантика аймактык бюросунун директору Николас Роллонун жолугушуусунда аба каттамдарын өнүктүрүү, заманбап технологияларды киргизүү жана аэропорттордун кызматтарын жакшыртуу маселелери талкууланды.
Комитет эл аралык каттамдардын санын көбөйтүү Өзбекстанга жаңы өлкөлөрдөн туристтерди тартууга жана өзүнүн туристтик потенциалын дүйнөлүк рынокто жайылтууга мүмкүндүк берерин белгиледи.
Тараптар авиация жана туризм тармактарын өнүктүрүү боюнча биргелешкен иштерди улантууга макулдашышты.