AFG'ONISTON, 2026-yil 13-sentabr – Karavan Info axborot agentligi. Xitoyning Kobuldagi elchisi Chjao Xingning vakolat muddati yakunlandi. U Tolibon tashqi ishlar vaziri Amir Xon Muttaqi bilan xayrlashuv uchrashuvi o'tkazdi.

Afgʻoniston Tashqi ishlar vazirligi 12-sentabr kuni xabar berishicha, tomonlar Afgʻoniston va Xitoy oʻrtasidagi munosabatlar, oʻzaro hamkorlik va ikki tomonlama aloqalarni yanada rivojlantirish istiqbollarini muhokama qilishdi.

Muttaqi ikki mamlakat munosabatlarini "tarixiy va ijobiy" deb atadi va Xitoy elchisining ishini yuqori baholadi. Chjao Xing, o'z navbatida, Kobul va Pekin o'rtasidagi munosabatlarni do'stona deb ta'rifladi va Afg'oniston Tashqi ishlar vazirligiga hamkorlik uchun minnatdorchilik bildirdi.

U kelgusidagi hamkorlik imkoniyatlari kengayganini ta'kidlab, ikki mamlakat o'rtasidagi turli sohalardagi aloqalarni mustahkamlash va kengaytirishga umid bildirdi.

Surat: Afg'oniston Tashqi ishlar vazirligi