ООГАНИСТАН, 2026-жылдын 22-сентябры – Karavan Info маалымат агенттиги. Ооганстандын мамлекеттик компаниялардын башкы дирекциясы бүгүн Ariana Afghan Airlines компаниясынын чартердик Boeing 737-300 жүк ташуучу учагы Кабул эл аралык аэропортуна келгенин билдирди. Учак эл аралык багыттарга коммерциялык жүк ташуу үчүн колдонулушу пландаштырылууда.

Агенттиктин маалыматы боюнча, учактын жүк көтөрүмдүүлүгү бир каттамда болжол менен 17 тоннаны түзөт.

Ariana Afghan Airlines компаниясы Бириккен Араб Эмираттарынын Air Charter Express авиакомпаниясы менен бир жылдык келишимге кол койду.

Авиакомпаниянын башкы директору Бахт-ур-Рахман Шарафаттын айтымында, учактын кошулушу анын аба жүк ташуу тармагын кеңейтип, экспортту көбөйтүп, Ооганстандын аба транспорту мүмкүнчүлүктөрүн жогорулатат.

Мамлекеттик компаниялардын башкы дирекциясы ошондой эле жаңы жүк ташуучу учактар ооган ишкерлерине ата мекендик продукцияны эл аралык рынокторго жеткирүү үчүн кошумча мүмкүнчүлүктөрдү түзөрүн белгиледи.

Сүрөт: Haama Press