ООГАНИСТАН, 2026-жылдын 28-сентябры – Karavan Info маалымат агенттиги. Дүйнөлүк саламаттыкты сактоо уюмунун (ДССУ) 2026-жылдын август айындагы маалыматына ылайык, Ооганстанда дем алуу органдарынын ооруларына байланыштуу 170 өлүм катталган. 27-сентябрда жарыяланган отчетто август айындагы маалыматтар камтылган, алар июль айындагы көрсөткүчтөр менен салыштырылган.

Август айында өлкө боюнча курч респиратордук инфекциялардын 64 506 учуру катталган. Июль айына салыштырмалуу бул сан 17,4% га азайган.

Мындан тышкары, Ооганстанда кызамыкка шектүү 1423 учур катталып, алардын жетөө өлүмгө алып келген. Июль айына салыштырмалуу кызамыкка шектүү учурлардын саны 44,5% га азайган, ал кезде мындай 2562 учур катталып, тогуз адам каза болгон.

Ооганстан саламаттыкты сактоо жаатындагы олуттуу кыйынчылыктарга туш болууда. Өлкөнүн көптөгөн аймактарында адамдардын медициналык жардамга жетүү мүмкүнчүлүгү чектелүү, ал эми дем алуу органдарынын оорулары коомдук саламаттыкты сактоонун эң кеңири таралган көйгөйлөрүнүн бири бойдон калууда.

Сүрөт: ДСУ – Дүйнөлүк саламаттыкты сактоо уюму