МОСКВА, 2026-жылдын 29-сентябры – Karavan Info маалымат агенттиги. Москвада төртүнчү BRICS+ мода саммити ачылды, ага 60тан ашык өлкөдөн келген тармактын өкүлдөрү катышты.

Ишкердик программа 30-сентябрга чейин уланат. Иш-чаранын негизги орду Зарядье концерттик залы болду.

Саммитке Кытай, Индия, Бразилия, Түркия, Вьетнам жана башка өлкөлөрдөн келген мода индустриясынын эксперттери жана өкүлдөрү катышууда.

Негизги темалардын катарына жергиликтүү бренддердин шаар курулушуна жана туризмге тийгизген таасири, кийим тигүүдө жасалма интеллектти колдонуу жана жаңы технологиялар менен байланышкан этикалык маселелер кирет.

Катышуучулар ар кайсы өлкөлөрдүн маданий жана кол өнөрчүлүк салттарына негизделген коллекцияларды жана буюмдарды көрсөтүшөт. Орус элдик кол өнөрчүлүгүнө жана алардын дизайндагы заманбап колдонулушуна өзгөчө көңүл бурулат.

Саммит 25-сентябрда башталган Москва мода жумалыгынын алкагында өтүп жатат. Бул сезондо 350дөн ашык дизайнерлер өз коллекцияларын сунушташат.

Сүрөт: Москванын Маданият департаментинин басма сөз кызматы