Бишкек, 2026-жылдын 29-сентябры – Karavan Info маалымат агенттиги. ФИФАнын эл аралык календарынын алкагында Кыргызстан футбол боюнча улуттук курама командасы Бишкектеги Д. Өмүрзаков атындагы стадиондо Мальдив аралдары менен жолдоштук беттеш өткөрдү.

Кыргызстандын Министрлер кабинетинин төрагасы жана Кыргыз футбол союзунун (КФУ) президенти Адылбек Касымалиев беттешке катышып, улуттук курама команданы колдоду.

Бул беттеш жакында эле улуттук курама команданын башкы машыктыруучусу болуп дайындалган Урмат Абдукаимов үчүн биринчиси болду. Жолдоштук беттеш 5:0 эсебинде Кыргызстан курама командасынын жеңиши менен аяктады.

Белгилей кетсек, Кыргызстан курама командасы 4-октябрда Ливанга каршы дагы бир беттеш өткөрөт. Бул жолдоштук беттештер команданын 2027-жылдагы Азия Кубогунун финалына даярдыгынын маанилүү бөлүгү болуп саналат.

Сүрөт: Кыргыз Республикасынын Министрлер Кабинети