Бишкек, 2026-жылдын 2-октябры – Karavan Info маалымат агенттиги. Кыргызстандын Министрлер Кабинетинин төрагасы жана Президенттик администрациянын жетекчиси Адылбек Касымалиев 1-октябрда Минск шаарына жумушчу сапар менен келди.

Аны Минск улуттук аэропортунан Беларустун вице-премьер-министри Юрий Шулейко жана башка расмий адамдар тосуп алышты.

Касымалиев сапарынын алкагында Евразия өкмөттөр аралык кеңешинин кезектеги жыйындарына катышат.

Мындан тышкары, премьер-министр "Иннопром. Беларусь" эл аралык өнөр жай көргөзмөсүнө барып, анын пленардык жыйынында сөз сүйлөйт.

Иш-чараларга ЕАЭБге мүчө мамлекеттердин өкмөт башчылары, байкоочу өлкөлөрдүн жана чакырылган мамлекеттердин делегацияларынын жетекчилери, ошондой эле Евразия экономикалык комиссиясынын коллегиясынын төрагасы катышат.

Жолугушуулардын жыйынтыгында ЕАЭБге мүчө мамлекеттердин ортосундагы кызматташтыкты өнүктүрүүгө жана бекемдөөгө багытталган бир катар документтерге кол коюу пландаштырылууда.

Сүрөт: Кыргыз Республикасынын Президентинин Администрациясы